Alfa Centauri (α Cen / α Centauri, conoseda ance como Rigil Centaurus), es la sistem stelal la plu briliante en la constela de Centaurus. Sin telescopio, el pare como un sola stela, ma vera el es un sistem de tre stelas, un de ce es la stela cuatro plu briliante en la sielo. Alfa Centauri es la sistem stelal la plu prosima a nos sistem solal, con un distantia de 4.37 anios lus (sirca 41.5 trilion km, o 277,600 UA). Proxima Centauri (pronunsiada procsima centauri) es la stela la plu prosima en la sistem, con un distantia de 4.22 anios lus.