La lenape es un grupo de alga tribus de americanes orijinal con cualias compartida de cultur e lingua. Se nom per se mesmas (se autonim) sinifia "la popla". Los es ance clamada la lenni lenape ("popla vera") o la delaware (de la rio Delaware, nomida per la governor de la colonia de Jamestown). A la tempo de contata con la europeanes en la sentenios 16 e 17, la lenape ia vive en un area nomida Lenapehoking, la area sirca e entre la rio Delaware e la sude de la rio Hudson. Esta area es aora New Jersey, Pennsylvania este, e New York sude-este. La lenape ia parla du linguas relatada de la familia algoncian, unami e munsi. La linguas es estinguida, ma la popla ave ancora un identia. La plu de los abita en Oklahoma, con alga en Kansas, Wisconsin, Ontario, e an en se locas orijinal.