Entoproctos (de elinica entos-proktos, interna-ano) es un filo de animales poca acual. Los es entre .5 mm e 5.0 mm en larjia. Los ave un lofofor (un boca con un anelo de silias), ma la ano es en la lofofor e no estra. Entoproctos come con filtros. Se tentaculos escreta muco ce catura particulos de come. La particulos es moveda a la boca par silia a la tentaculos. Tota la spesies es sedente, juntada a la base par un tronceta, e con un corpo en la forma de un tas. Alga spesies es colonial, con multe animales a sistemes raminte de troncetas. Entoproctos pote reprodui ambos par seso o par botones. Los es nonusual per ce los es ermafrodites ce cambia seguente la seso.