Platon (437–347 aec) ia es la studiante la plu importante de Socrates. De un familia rica e potiosa, se nom real es Aristocles. Platon es un nometa cual refere a se spalas larga. Cuando el ave sirca dudes anios, el es encantada par Socrates e deside dedica se a la filosofia. Cuando Socrates mori, el es ruinada, e comensa vaga sirca Elas e la Mediteraneo, e es caturada par piratas. Se amis colie mone per salva el de sclavia, ma el es librida sin la mone. Donce se amis compra un imobila poca per comensa un scola — La Academia, fundada en 386 aec.