En la mitolojia elinica, Acile (Ἀχιλλεύς en elinica antica) ia es un eroe de la Gera de Troia e ance un de la carateres xef de la Iliada de Homero. En la Gera de Troia, el es conoseda per mata Hector estra la portones de Troia. An si la morte de Acile no apare en la Iliada, otra fontes acorda ce el ia es matada sirca de la fini de la gera per Paris, ci ia xuta un flexa a la talon. Acile es onorada como un eroe, videda como un deo en la mundo elinica. Bon, corajosa, campion de un moral orgolosa de la onora, el incarne "la ideal moral de la cavalor homeral perfeta".