La Caucasos, o Montes Caucaso, es un cadena de montes en Eurasia entre la Mar Negra e la Mar Caspian, tra Sacartvelo, Haiastan, Azerbaijan, e partes de Rusia. On ave du sistemes separada: la Caucasos major e la Caucasos minor. La Caucasos major estende de la area prosima a Sochi a la costa norde-este de la Mar Negra, vadente a este-sude-este asta aprosima Baku a la Mar Caspian. La Caucasos minor core paralel a la sistem major, a un distantia de sirca 100 km. La du cadenas es juntada par un cadena peti, nomida la Likhis. La monte la plu alta en la cadena es Elbro, a 5642 metres. La montes prosima a Sochi ia ospita la Juas Olimpian de Inverno de 2014.