La capra domada (Capra aegagrus hircus) es un suspesie de capra, cual ia es domada de la capra savaje de Asia sude-ueste e Europa este. El es un membro de la familia Bovidae e es prosima relatada a la ovea – ambos es en la sufamilia Caprinae de capras e antilopes. Ave plu ce tresento razas diferente de capra. Los es un de la spesies domada la plu vea. On ia usa los per se lete, carne, capeles, e peles tra multe de la mundo. En la sentenio 20, los ia deveni ance poplal como animales de casa.