| abstract
| - La Sutra de la Diamante es un sermo importante par Buda. Su es un tradui cortida par Jorj Boeree: 1. Esta es ce me ia oia: Un ves, la Buddha ia resta a la refuje de Anathapindika en la arboreria Djeta asta la site de Sravasti, con un unia de 1250 monces. Pos ce el ia vesti e fa se turi de mendica e come se un come, el ia senta con la monces. 2. La monce Subhuti ia onora la Buddha e demanda un demanda: "Si un person vole viaja a la via de la Bodhisattva, ce el debe recorda en mente?" 3. La Buddha ia responda: "Un Boddhisattva debe recorda en mente ce tota esentes, si los es nase de la utero o la ova, si los muta como la papilio o leva miraculos, si los ave un corpo o es pur spiritos, si los pote pensa o no pote pensa, me prometa ce aida tota los entra nirvana ante ce me mesma resta ala! "Ma recorda en mente, Subhuti, ce en realia, no es un cosa como me ci aida, e no cosa ce un otra ce me aida. Un Bodhisattva ci no sabe esta realia no es un Boddhisattva vera! 4. "Un Boddhisattva vera no plase se en esta ata de compati, e no interesa se en pares. El aida simple otras sin ego. Esce tu pote mesura la este, la ueste, la norde, e la sude, Subhuti?" "No, Senior." "En esta moda tu no pote mesura la valua de un ci pote aida otras sin pensa de se mesma." 5. "Subhuti! Esce alga un pote vide ci es un Buddha per sola cualias fisical?" "No, Senior. Tu ia instrui ce Budia no es un cosa de cualias fisical." "En esta moda, un ci conserna se con pares no va vide la Buddha, ma un ci no conserna se con pares, es posable." 6. Subhuta ia demanda: "Senior, va es persones ci comprende tu mesaje per tota tempo?" Buddha ia responde: "No duta esta, Subhuti! Va es per tota tempo persones ci, cuando oia la mesaje, va adere la prinsipes e practica nos via. Nos mesaje va tende persones simple per ce el es vera! Un ora va ariva cuando multe va no nesesa or la parolas, ma va es plu distante ce parolas. Tota nos nesesa labora vade plu distante ce parolas, per ce nos pote fisa nos a parolas, e nos debe no fisa a cosas. Comprende ce la parolas de la Buddha es como un balsa creada per traversa un rio: Cuando la intende es completada, la balsa debe es abandada si nos vole viaja plu! 7. "Dise me, Subhuti. Esce me ia instrui la instrui ultima?" "No, Senior. La instrui ultima es no un cosa ce pote es instruida, per ce la instrui ultima es no un cosa ce pote es tenida o saisida." 8. La Buddha ia dise: "Dise me, Subhuti. Si un person dona un universa plena de tesoros per aida otras, esce el gania valua grande?" "Si, Senior. Se valua ta es grande. Ma tu ia instrui ance ce, per esta ata de jenerosia ta es vera, el ta no pensa de gania valua. En fato, el ta no pensa de se mesma a cada ves!" La Buddha ia dise: "Aora, si un person comprende e dona sola cuatro frases de me mesaje a un otra, se jenerosia es plu grande. El no dona sola un cosa, ma el aida crea Buddhas futur!" 9. "Dise me, Subhuti. Un person ci comensa comprende me mesaje, esce el dise a se mesma 'me ia reali un cosa grande?" "No, Senior. Dise un cosa como esta sinifia ce la comensante no comprende ce es no ego per prende onora per alga cosa!" "E si un person con comprende avansada de me mesaje, esce el dise a se mesma "me ia reali un cosa grande?" "No, Senior. Alga un ci dise tal cosa dise ance ce es vera un ego ce reali alga cosa, e alga cosa per reali. Estas no es la pensas de alga un ci comprende tu mesaje. "Senior, tu ia dises ce me ia susede reali pas e libria de sentis focos. En fato, me no desira aora la stato de un santa. Si me desira esta, me es secur ce tu no ta pensa tan de me!" 10. "Subhuti, si me dise: 'Bodhisattvas decora la sielos,' esce me dise la vera?" "No, Senior. Decoras es alusinas, e alusinas no ave un loca en la sielos." "E, en esta modo Boddhisattvas ta desprende ego de se mentes, e sesa se preferis per un odor o un otra, un sona o un otra, un vista o un otra. Un Boddhisattva ta ave no fisa o desgusta a alga cosa La Buddha ia demanda: "Subhuti, si un om ave un corpo grande como un montania, esce el un om grande?" "No, Senior. Per ce un 'om grande' es sola parolas, e eser un om grande es un alusina, creada par la crede en ego." ... 13. Donce Subhuti ia demanda de la Buddha: "Senior, ce nos clamada esta sermo?" La Buddha ia responde: "Clamada el 'La Sutra de Diamante supra la Perfeta de Sajia.; Como un lama de diamante, el pote corti tra tota delude!" ... 14. Donce subita, Subhuti ia reali consensa completa de la sinifia de la sermo, e comensa plora. "Senior, grasias per esta sermo. Alga un ci or el e comprende el con mente pur va es influenseda par el. Sentos de anios en la futur, la claria de esta sermo va es valuada." ... 32. "Subhuti, si un person dona basta tesoro per pleni un universa, el ta no gania tan onora ce alga un ci pote comprende e dona un poca de linias de esta sermo. "Donce, ce debe en la mente de un person cuando el comensa la viaja de la Boddhisattva?
* Como un stela cadente, como un bola en la rieta,
* Como un flama en la venta, como jela en la sol,
* Como un lampi de lampo, o un sonia pasante -
* En esta modo tu debe comprende la mundo de la ego." Subhuti e la otra monces ia es plenida con joia cuando los ia oia la sermo de la Buddha.
|
![[RDF Data]](/fct/images/sw-rdf-blue.png)